اكتنشفتك

موضوع: اكتنشفتك الأحد يونيو 21, 2009 2:34 am

روح عـني.. ياحسافـــة العمــر ضيعتــة بهـــواك..
ابتعد مني .. جنت اعمــة وامشـي متعلـــم وراك ..
انتة لوحة امزيفة.. انخدع كلبي بمـزادك وشتراك..
انتــة صيــاد ومــراوغ.. شاطــر بنصـب الشبـاك..
مثلت دور البـــراءة.. وقشمــرت كلبــي واجـــاك..
من بعيــد الـــوجــه يضحك..ولو كـــرب يطلع كفــاك..
يلي جفك كلة شوك..واني جفي شموع محروكة بضواك..
يلي زرعـك من كـزاز.. وتجـرح اجفوف الحـواك..
يلــي طبعــك كلة نــار.. وصــارت انفاسك هــلاك..
مـرقـد الحـب هــدميتة.. واصلبت روحــي بسمـاك..
تيهتني بكــاع غــربـــة .. وكلبي ماينــدل ســواك..
كطعتني بسيــف جــارح.. وتطلب اتـــرجة شفـاك..
نبتت بعيــوني سهمـك.. وجـاي تنشدنـي اشعمــاك؟؟
حيــرت دفانـي بيــة.. بكـل جــرح ينـــزف لكــاك..
جنت ابيعن روحي لجلك..واشتري بعمري رضاك..
مادريــت اقناع لابـس.. والغـــدر جنحــة طــــواك..
شكـد رسمتك في خيالي.. جنــة وقصــور ومــلاك..
لحظة واعصــارك نسفني.. ضيعــانــي وضيعـــاك..
واكتشفتك...
اكتشفتك بعد مافات الاوان..
واعــرفت طبعــك خيالـي .. ومالــك بكلبـي مكـــان..
وعندي ماضل كل خيار..
روح عـنــي.. خلــي دمعــات النــدم تنــزل شــرار..
ابتعــد منـي.. يلـي سيفـك مـن ثلـج انـة ابقـة نــار..
*************************************