ياعلي ..مانكدر ننساك

إبجفين البيعَه إتصافحنه .. ياحيدَر ننخاكْ
وإكتبنه إسمَكْ إحنه إبصَفحَه .. بسطورَه ونلكاكْ
شهَكت إبروحْ
نفسْ مَجروحْ
مانكدَرْ ننساكْ مانكدَرْ ننساكْ
.....................................

.........................................

كتبتْ إحروفك إبدمي .... شريان الكلبْ شاهدْ
بُكه إلساني يذكرَكْ طيب .... يهتف ياعلي الماردْ
صُوَر للحكْ وَصلها إبدين .... يالبيكْ إنبَهرْ حاسدْ
شرَفْ ياحَيدَره إنتبعَكْ .... ضمير إبكلْ بطلْ قائدْ

حيدَر بيكْ التشهَدْ كلها
سيفكْ ذو الفقارْ
كَراتكْ صُولاتْ وجوله
مَعروف البتارْ
حميتْ الدين .... يَبو الحَسنيينْ

بسطورَه ونلكاك
ياحَيدَر ننخاكْ
مانكدَر ننساك
.................................................. .....

من مثل شخصَكْ ياعلي
إنكتبْ إسمَه إبقرآن
حنكَه وكمالْ إبسيرته
إتمايزه إبإنسْ وجانْ
بسْ الله اليعرف قدرته
سرَه العَجيبْ إبأكوانْ
سيرها إبحكمَه ورادته
وحَسَنْ صُوَرها إبإنسانْ

ساير أفعالكْ وإتحَسَرْ رَبَكْ دوم إوياكْ
وإندبْ ياحيدَر بالمَحشرْ تنسانه حاشاكْ
كَفيلْ الروحْ عَليكْ إتنوحْ

بسطورَه ونلكاكْ ياحيدر ننخاكْ

مانكدر ننساكْ

رَبكْ خالق الأكوان سرَه إبكُلْ خلق آيه

إحسانه إنعرف عُنوانْ بآياته إتضح غايه
شرح آياته إهوايه
شار إلنه إبرمز عرفانْ

والجَنه المَهَر نيشانْ كوثر جاري من ْ مايه

مايقبَلْ رَبَك تتهاوَنْ
وتعيف المَعروفْ
جلبْ بيه إبخوَة دَمَكْ
لتغلسْ مَتشوفْ

ثمًنْ عُمرَكْ
كتبْ أجرَكْ
بسطورَه ونلكاكْ
ياحيدَرْ ننخاكْ
مانكدَرْ ننساكْ

...............................................

مَولود إبكعبة بارينه .... كُلْ الناسْ عيُون إتشوف
والمحرابْ إيصَلي ويسجدْ × وإنته إبكعبه البيها إنطوفْ
بعيُونكْ مَرسُومَه الجنه .... والشيعي اليُوم المزفوفْ
يشهَدْ مَيعيفكْ ويأذنْ .... تكبيرَه بصُوته المآلوفْ

عايش إيمانكْ وإتفائلْ
منهاجَكْ للدينْ
صافحْ وجدانكْ لاتخجَلْ
تحرز بالدارينْ

حلالك طيبْ .... حَرامَكْ عَيبْ

بسطورَه ونلكاكْ ياحَيدَر ننخاكْ

مانكدَرْ ننساكْ

........................................

اليُوم الكَعبه إتكَدرَتْ ..... لبسَتْ بالحزنْ آلامْ
وتشوفه الحَيدَر بالدمَه ... مَطبُور إبراسَه الضرغامْ
محرابه اليُوم إميتمَه ... .. غلكو بيبانه الظلامْ
وعيُون الوادم للسمَه ... تبجي إبصَرخاتْ الأيتامْ

بَسْ حَيدَر جان الي يعدلْ
حُكمَه إمأرَخ دُومْ
بآياتْ القرآنْ التنزلْ
يشرَحها إبكُلْ يُومْ

بجَه المحرابْ .... حزن وعتابْ

بسطورَه ونلكاكْ
ياحَيدَرْ ننخاكْ
مانكدَرْ ننساكْ
ياعلي ..مانكدر ننساك 2007473848026