ابو ذيات تموت( جمبازية ) بس تعالو

الكلب معلول ومأيس من شفاه
وعلى خدودي الدمع جاري من شفاه
على الراح وحرم شفتي من شفاه
وكطع حته بحلم ما مر عليه
*********************************
روح ابعيد عني......ولي يله
وعلي من السمه منزل ...ولي الله
حبك سم واجرعنه ....والي الله
وتدير السم بديك شلون بيه
************************************

طعم شفتك حبيبي عسل ...وي جوز
ومنك ما يمل الكلب ...ويجوز
يمر طيفك علي كل يوم ....ويجوز
يظل وياي لحد المنيه

***********************************

نسيت وتيهت روحي وهم بيك
وحسافه العمر خلصته وهم بيك
خويت وضيعت ناسي وهم بيك
اطلعت جذاب وهم تضحك عليه
***************************************

شكيت وكوه جبت الراس (عراس)
وبدي تاج الوفه لبسته (عراس)
عفته اليوم ثالث يوم(عرس)
وخبر عرسه الشماته انطوه اليه
******************************************

شهد شمام شربت شكر شفتك
شهد شلزم شعوفن شكض شفتك
شهد شاهد شهدلي بيوم شفتك
سلب روحي وتركني للاذيه
**********************************

ادك باب اليضربك واشتمنه
واشيل تراب جدمك واشتم منه
كول أمرني حبي واشمنه
حاضر لو ردت روحي هديه
**************************************
اولي وماكلتلك ولي ساعـــــــــة
واحن لنار هجرك والساعـــــــــة
اذا لحظات اشوفك وله ساعـــــــة
احس بيك الزمن واكف بديــــــــة
******************************************

المسه كتله صباح الخير ....وبراك
اتمازح كال لولا اتوخز ....وبراك
كلت لا والذي صورك .... وبراك
بجبينك صبح ظنيت المسيه

**********************************************

بهيمه ياظعن شوكي وناخوك
ونادوك اعلى كل محنه وناخوك
عضيدك آنه بالشده وناخوك
واصير احزام ظهرك للمنية
****************************************

يجرحي شكد اشدنك والافلاك
انة ادري بهيمة ومضيع والافلاك
نجوم الليل خل تشهد والافلاك
انة الميت اليمشي اعلة الوطية
***************************************

الف دنياي كلهة ماتلفني
عنيد وغير شخصك ماتلفني
عمت عين المنايا ماتلفني
الف دنية ومرة تلعب علية
***************************************

يروحي انتي حياتي وانتي عُمري

وإذا خرب زماني انتي..عَمري

تشع صيتي وكَعت وضاعـ امري

وروحي اليوم وصلت للمنيه
*************************************

نفضت الثوب لا بين ولا ثار
ولا طلاب اجة اليطلب ولاثار
كَلكَامش نهوا قصتة والاثار
صفت باللوفر أباريس هية
***************************************

كافي من الهجر بطل ولك عود
الك نغمه بوتر كلبي والك عود
تعال وشوف
هاي سيوف
تبقى جروح
ابد متروح
وكلب ثاني الك يحسب والك عد
واحبك لو تصب تيزاب بيه
****************************************

نص احترك من هجرك و نص طاف وغركت اني بحر حبك ونص طاف يريت المدرسه ترجع و نص طف وابدلك بالعلم و اخذلك تحيه
*****************************************

عليك اشكد رجف قلبي وداري
ولجل عينك بعت ملكي وداري
اضن تعلم بضيمي وداري
شكد احبك ونت تضحك علية
************************************88

انا بيت المودة وانت ركني
وجدم غيرك خطاني ونتركني
اذا عافاني كلبك ونتركني
عدلة ادفنها روحي بذنه أديه

***********************************************

وحق كاف وهيا والعين والصاد [ كهيعض]
أنا لبابي أبد ما يوم وصاد
أصد اعلا اليجي ويروح والصاد
أدور شوفت الغالي عليا
*************************************************

حبيبي ارجوك تسمعني بهاداي
تراها الروح معلوله بهاداي
الك هالعين ارسلها بهاداي
بس ارجوك كلبي تعوفه اليه
***************************************8

بظلم قانون روحي منسنلها
سبوها وصار اكثر منسنلها
افرحت مابان ضحكت منسنلها
لان كل الالم والهم عليه

تحياتي زلم ونسوان :P

يسلمو حب تقبل مروري