ما الومك جديد علي جويد البزوني ابو الطيبة

جنت اضن بعيونك انتة
تطفي كل لهفة حنيني
وجنت اضن انتة بحنانك
تمحي كل حسرة بسنيني
وجنت اضن حتى من ابيعك
تركض انتة وتشتريني
......
يا نبع يبخل بماية
بلاية عينك
ما عرفت طعم الحجاية
ويا ورد يذبل بسرعة
بجلمة بحلوك الوشاية
ويل كصير انتة بعشرتك
هيج مفهوم النهاية ؟
وما الومك
ما الومك واعتب واحركها روحي
وراح افلشها محبتك باية باية
انتة ما تعرف دمعتي
ترتل بقران حبك الف اية
وانتة حسبالك لهفتي
بدربك انتة الجدم غاية
روح يل غلطان كلش
شوف عينك بالمراية
شوف عينك
واحجي وياها بصراحة
وشوف جلمات البداية
الماي دهلة !
ولا تخليني امتحن !
وكل شعر ليلي وندايه
وكل خمر فرحة ضحكتك
وسكرة النشغة الخطايا
......
وين اوديهن يخايب
هاك اخذهن من تروح
وهاك حتى اكليبي اخذه
وشلي بيه
خلص من كثر الجروح
وروح لا ترجع عليه
وارجع انة بلاية روح
روح دور طيف ماضي
مو مثل طيفي اللحوح
روح دور عل اليبيعك
حتى ما تبجي وتنوح
وانة صدك ما افيدك
وما البيلك طموح
شعدي غير اكليبي اقدمة
وماي عيني
وراح اقدملك الروح
هاك اخذهن
حتى يوم انوي ابيعك
ما احس بيها الجروح
ما احس بيها الجروح

مارتن السفير

» جديد جديد جديد علاء زلزلي واغنيته الروعه دلعونه فوووووت واخمط
» جديد / جديد _ حسن الرسام وضياء الميالي انفلاقيه خنفشاريه فنفونيه طب حمـــــــــــل ؟؟
» جديد حسام الرسام (لاتزعل حبيبي) توزيع جديد لكل محبي حسام
» عضو جديد
» ضيف جديد لنرحب به