مقاطع من قصيده للشاعر مارتن السفير

اكو بيهم يرد الروح ملكاه
واكو بيهم غثيث ايطلع الروح

اليغثك دائما تتلاكه وياه
ويصير اكبال عينك وين متروح

اذا تضحك بوجه اليشمر ارماح
يجوز الي شمرها ايموته النوح

يجوز بلايه دم موجود ذباح
يجوز تشوف دم بس ماكو مذبوح

لتظل تاكل بروحك على الراح
لاءنك من تغص تشرب بلجروح

يجوز الراح مايتوالم وياك
ومن تنفرد واحد يبقه مسموح

اذن خيروح لاتعتبره باقي
اذا تعتبره باقي انت لتروح

ضحكتك خلها تلعب ضد الاعداء
بس تلعب دمعتك تخسر الدوس

واصبر حيل اصبر عليئذيك
اذا تصبر الركبه ترجف الموس

بس ابجي اذا شفت الكمر طاح
وشفت الليل فوكه بلا وعي ايدوس

وابجي لوشفت رجلين ليفوك
ولطم لوحدر منها شفت روس

وابجي اعله الورد لو شفته سهران
والفلاح شابع نوم محروس
.................... .......................
................. .................
خل طبعك اصيل ولايغيروك
وخل كلبك مثل لون النوارس

شلون تريد يبقه الماي موجود
والميت عطش ع الماي حارس

اذا شفت المدارس سادده البوب
ارجع لاتطفر ع المدارس

المهره العدهه فارس تبقه كدام
وترجع ليوره الماعدهه فارس

لاتخسر حجي وتحجي وي خرسان
ولاتضحك مع الماعنده واهس

محابس عندك وما وماعدهم جفوف
عليمن بعد تنطيهم محابس