مـــو عـــد حـــــــــب

... مـــو عـــد حـــــــــب ...

هــو/ ...

اشلونج يااعز الناس عندي

هو الكلب جم حبيبه عندة


هــي /...

هزني الشوك علموعد اتانيك

واعد بيدي الدقائق وحده وحده


وحده ... اثنين ...

هاي الثالثه تروح

اتاني وصار هالموعد اشبعده

نمت حسبالي اشوفك بالحلم جاي

وكلت دمعاتي احطهن وسط خده


هــو / ...

نمتي هنيالج غفيتي

وانه ليلي يمر على عيوني صبح

الينيم ورده ويمسد عليها

مو مثل ليلولي وينيم جرح !!

والغفه ابكلمه محنه

مو مثل الينام وبعينه ملح !!



هــي /...

لا حبيبي

انه هذا اليل من يمرني دمعه

وحزن واشواك وحنين

وانه عيني عليك مابطل دمعها

تبجي ماتسكت العين


هــو /...

لا لاتبجين

امسحي دمعتج وارجوج لاتبجين

يل دمعتج جمر وخدودج احلى أورود

خايف على اخدودج من دموع العين


لاتبجين

ورده وتحترك ماتحمل النيران

يذبل كل وركها وتستحي من الطين ..



هــى /...

وانت تكلي لاتبجين ؟

مو عمري انتهى ..وايامي كلها أتروح

لو راح العمر متكلي اجيبه امنين



هـــو/...

لا تبجين

المن بعد المن تسوة ودمعه اتطيح

هو اشباقي بينا..ونحترك كل حين

تعبنا القهر ممشي جزيزه وخوف

صار الماضي غلطه وجنه غلطانين

لاتبجين لو يسوه العمر

يمكن بجينه اسنيــــــــــــــن



هـــى /...

اشلون تكلي لا تبجين


هـــو /...

لاتبجين


هــــي /...

تدري انت اليحب مايكدر اعله النار

ويا نار اللي بي أتفزز الميتين

احتاج الدمع من مااشوفك يوم

لان يصبح على اليوم خمس اسنين

حبيبي لخاطري

لاتبتعد ارجوك .

مااحمل الفركه كلـــش زين



هـــو/...

بس ارجوج لاتبجين

خوفي انه عليج من الدمع والله

مرات الدمع يأخذ حلاه العين

ويل كلج ترافه ارجوج لاتبجين

ارجوج لا تبجيـــــــــــــــــــــن