سؤال غريب

يسألني الغريب شبيك محزون
قلت شنهو الحزن يم الدفاتر
هوايه حروف انه بدمعي خطيت
وي كل ليلة الم اقضيها ساهر
انا شايل حمل ما تطيقه الجبال
ولا مؤمن يحمله ولا كافر
انه اضحك وجه ولسان وياك
بس ما تدري قلبي شكثر ساتر
انا الاول بالبجي لو تنشد الناس
واخرهم بالفرح ما كنت شاطر
ما اكتب بعد لو اكتب تريد
اخاف عليك ما تحمل مخاطر
واذا اشرحلك انه البيه دايصير
تكلي شنهو انت شلون صابر
جاوبني الغريب وكال حزنان
الله يساعدك هالزمن كافر