حنة ودموع

حنه ود موع

ودي بد موعي تنخبــــط حنتـك
حتى على اجفوف الصبايه انتشر

وحتى اجوي اجفوفهن صحـبتك
حتى اصيرن بين اديهن جمـــــر

مبخوت كلمن يوصل الحضـرتك
والحايطات اعليك بيض وسـمــر

ويناغي بطرافه سحرطلعتــــــك
محروس بالله يا توا لي النظـــــر

مبروك أيــــــــام التجي بد نيتك
وبسعود ريتك يا حـلات العمـــــر

ماتنغفرلي غلطتي وغلطـــــتك
متباعدين وعن بعض نشتمــــــر

جذبت كلبي وصدكت شمرتــك
وجذبت كلبك عاملتني اببطـــــر

هذا أنه حالف ماامل عشرتــــك
وذاك انته خايف ماتريد الجهــــــر

ياحسرتي طيحتني ابورطتــــك
واجرعت كاسات من الصبــــــر

بالمهد وأنه أتغزل ابضحكتـــك
تسري اويدمي وناطرك من زغــر

أيام مرت أنتظرجيتـــــــــــــك
ومرت ليالي وأنه الك منتظـــــر

ياحيف مني ايدهم باكتـــــــــك
ياحيف من باكك حرامي الظهــر

أشيحمل افراكك يامعز شوفتك
ماالنه روح اتحمل طول الهجــــر

حسره البكلبي بعض من حسرتك
يالمجافي بعد مالك كل عـــــــــذ ر

الصار بيه بالهوه بركبتـــــــــــك
مشكول ذمــه اتظــــل ليوم الحشر

أنه ادري غركان ابحر فرحتـــك
وكل ساعه ابغيابك عليــه ابشهر

شكد ناس بيه المرت ومرتـــــك
بس مــا حلالي انه غيرك بشـــر

اشكد عمرك انته واغرك بروجتك
وهذا آنـــــه ربان السفينه وبحـــر