اكاذيب الرجال

حبيبتي تدرين ماعندي سوالف الولد مال يومين هذولة الي خربو المجتمع وما احجي وية بنات وما احب احجي وية بنية اصلا
(مبين وانت كل البنات تعرفك)


ما اعرف حبيبتي احس اني اعرفج من مان
(لا يمكن مخربط بينها وبين وحدة جنت تعرفها قبل)


حبيبتي احس انج غير كل البنات وانتي مختلفة عنهم كلش
(ليش فوك راسهة ريشة لو من كوكب ثاني)


احس هواية اشياء اني وانتي مشتركين ونتشابه بيها...احس انتي اني
(سبحان الله طبعا اخوها باللاسلام لازم تكون شبها هع هع)


ياريت عرفتج من زمان
(ميخالف جان عندك ازديحام)


حبيبتي انتي تامريني امر وكل الي تريديه اسويه
(اي صحيح بس بالاحلام)


حبيبتي اريدج تتغطين زين لان ما ارد احد يشوفج غيري اغااار
(لا حرام علية الغيرة حركت كلبك حرك)


تريدين اجي اخطبج من اهلج واتمنى هذا الشي نعيش سوة بي مو هسة اكون نفسي لان ممعتمد على ابوية احب اعتمد على نفسي
(اي من تكون نفسك تريد تكونها براسي)


حبيبتي اريد اشوفج باقرب وكت لو هسة بنص الليل اجي حموت ما اتحمل
(يريد اصدقائة يتاكدون ان هيا حلوة)


اني احب الشعر ومن هواياتي الرسم والسباحة
(لا رومانسي الحبيب هههه)


حبيبتي خلي ببالج اني اذا حبيت احب من كل كلبي واموت اذا تبعدين عني
(اكول اوك بس يا كلب بيهم)


علاقتي بيج محد يعرفها بس اني وانتي والله لان اريد احافظ عليج
(اي عادي لان كل اربعة سوة يدرون لان هما واحد)


شتكولين اشتري سيارة بعتها وابوية اخذ الفلوس وهسة اريد اخذ شنو رايج
(وهو جواريبه مزروفة ياخذ من ماما ياريت من بابا)


احتمال اسافر سفرة وية اصدقائي اغير جو
(اي صحيح كول اريد افضي وقتي لغير وحدة)


اني احب العطر والملابس وخاصة الماركات
(اي الحمد لله والشكر)


لمن اشوف رقمج بالموبايل كلبي يريد يطلع من صدري
(اكيد طبعا خايف اكون كشفت ملاعيبك)


فلان كال انطيني رقمها واني كلت ما انطيك لو تقتلني هسة
(هههههههههههاي يا مضحي انت ياشجاع...هذا اذا مو كل الولد يعرفونه)


حبيبتي اريد صورتج اشوفها وابوسها واخليها على كلبي وانام
(لا وانت الصادك علمود بيوم الي تملني تهددني)


حبيبتي البارحة ما اتصلت لان جت مريض وتعبان ومشاكل والدراسة ماخذه وكتي
(مبين يا نيوتن انت يا عبقرينو)


تعرفين اني البنات يموتون عليه وميصيحولي الة الحلو ويريدون رقمي بس ما انطي ولا اهتم لان انتي حبي الوحيد وما اشوف بعيني غيرج
(ههاااي الترتيب الصحيح للجملة...دائما اركض ورة البنات وما ينطوني الرقم)


والله حبيبتي اتمنيت اجي اليوم اشوفك بس صارت ضروف صعبة وما كدرت اجي بس منسيته للموعد
(اي صحيح اتذكر موعد وية خيته الثانيةالي واعدها عشر مرات وخلف وعده)


البارحة منمت طول الليل افكر بيج اخذتي عقلي حبيبتي
(قصدك نمت وشبعت نوم وكعدت جوعان وناسي اهلج وانتي منو)


انتي احلى بنية شفتها بحياتي وما اتوقع اشوف احلى منج انت كافي جوهرك
(ليش متعرف على ملكة جمال الكون واني ما ادري)


اريد اشتري كمبيوتر جديد كمبيوتري صار شهرين وياية ومليت منه وكمبيوتر خوية ماعجبني والكمبيوتر الثاني ما اتحملته
(اتراهن وياك كمبيوترك قديم ومطركع وكل ماعطل صلحته)

حبيبتي انتي وروحي واني من غيرج اموت العب خلقه بالي يباوع عليج اموته اذبحه ما اكدر اعيش بدونج كافي اعيش واموت يمج واريد جهال ولد اول مرة واريده يشبهج مثل كلبج وروحج انتي الدنيا انتي اهلي وناسي اروحلج فدوة اني وعشيرتي اروح فدوة لتراب رجليج ييمه لو اني يمج بس اخليج كدامي واباوع عليج كلشي ما اريد