عرفتك

عرفتك ..
لاتحاول تخفي الاشواك
صدكني آنه من شفتك ..
عرفتك
مشكلتك ، اعيونك
تحجي الاسرار ..
عرفت اللي بكلبك ..
من نظرتك ..!
محتار انت بيني ..
وبين دنياك ..
قسمتك هاي ..
شنسوي لقسمتك
اذا رايد اعوفك ..
كلي وارتاح
واحجي الجان مضموم ابجعبتك
بس ..
علمني اكرهك ..
حتى انساك ..
وشيل شباقي بكليبي
لمحبتك ..!
تكدر ..؟!
ماأظن تكدر يمحبوب
لأن حبك مبين ..
من ضحكتك ..
واذا كتلي اعوفك ..
عوفني وروح ..
اغلس ...!!
جني اطرش ماسمعتك
على عنادك احبك ..
واني مغرور ..
من حقي آنه انغر بصحبتك
تحـياتي !