حسبالك غشيم؟؟

حسبالك غشيم مصدك اعذارك
واخشع من ترتل صورة افكارك
يا بيت الجذب شلك بلعشك هاذ
تره المستور اكشفه وينهدم دارك
تدلع علي ورايد اهتم بيك
وانطيك ظهري وتاخذ بثارك
مو اني السهل لستسلم من الخوف
ولا اني الثلج ليذوب من نارك
كبل طبع الذيابه انته مخلوق
وتغدر بلوفه لو جاك خطارك
ضحكته بأبتسامه ارسم حلك لذيب
وانيابه شلع شايله بسمارك
وهنانه المشكله مو مشكلة تشبيه
اشلون اصورك لوصرت جارك
قابل ازرع كمائن وابني مصيادات
واكض التفكه بيدي وابقه صكارك
لو عله الجيران اوزعهه الحراسات
واجيب اجلاب اخلص بيهه من ثارك
دفاركني كبل ما تنكلب ثعبان
واني بلا سبب اقبلك فراكك
بس لا ترتل عليه صورة المسكين
ودمعة التمساح لا طلعه بعتابك
وبطل لعب وانته بجولتك خسران
تره كبال الملاعب ينهدم فالك
تره كبال الملاعب ينهدم فالك