قصيــدة (( قبـل ألف وكسـر أحجــي )) ......

قبـل ألــف وكسـر أحجــي
كريم الحاج فليح

قبل ألف وكسر أحـچـي
من چان البعير بسرعة البطه
چان الشباب موديله
سيف ودرع مو ربطه
ويتغطه (أبوبر) لو صوف
هسه (بمور) و بديباج يتغطه
وچان بقوته وصبره
يحط الظيم جوه أبطه
هسه اللحيه صارت خيط
ويحف وجهه... ويحط خلطه
وهسه الجلّ ترس شعره
يَوگف شعره لو حطه
يحتار أعله يا موديل
يـگلب شعره ويمشطه
يقلد أسبايكُي رايد
يَمَن أعله الوجه لَطّـه
ولك تخطيط الأستعمار
هذا ونجحت الخطـه
تضل كل ساع الك موديل
يمنك كون بالجلّطه
ولك هذا الوطن موصار
جحر أحيايت الرگطه
ولك هذا الوطن باگوه
باگوا عزّته ونفطه
ولك هذا الوطن حرموه
من أرضه وسما
وانحرم من شَطه
وأنت الحاير بنفسك
يمته توضّفَك الشرطه
مسدس بالصفاح تشيل
وكاوي البدله المرقطه
ولابس شفقة الكابـــوي
و جُعبه انوب مو جنطه
ولازم بيدك النقال
والنغمات بي نشطه
ولابسلك مناظر سود
حلوه الصوره واللقطه
وياهو اليـگدر يحاچيك
يعمي الشرطي هم ورطـه

قصيــدة (( قبـل ألف وكسـر أحجــي )) ...... K1jxxalnvh9a

قصيــدة (( قبـل ألف وكسـر أحجــي )) ...... K1jxxalnvh9a