ابوذيات الجزء الثاني 2010
اريد اسمع حجي الغالي وشرطه..
واذا تطلب اكص كلبي واشرطه ..
لو صحوات منتشره وشرطه ..
اجيك ابهمر لو تنكلب بيه
بجيت عيوني عالراحو وهدبي
وااعرفه كليبي ما يهده واهدبيه
الحسبته سلاح بالشدة وهد بيه
هدو بيه عدواني علية
عكارب هل وكت بيهة ولا ساع
اولا يوم الفرح جاني ولا ساع
سعيت وصاحبي ابضيجي ولا ساع
لان صحبت دراهــــــــــم مو خوية
الحزن ويانة رابي منه هدنة
ويجرنة منيد فرحة منة هدنة
ردت بالكوه اخذ منـــــة هدنة
حتة اسحب نفس وابجي عليه
وبعد لتكول سمسم لمة تلهم
وعلي دنياي عكبك لمت الهم
تدري الكلب عكبك لم تل هم
ويزل التل اذا مريـــــــت بيه
طلعت روحي يمكن راحة الهم
وضلت بيه تطحن راحـــــة الهم
واذا مرو علية راح تل هــــــــم
وترة العشرة يصاحب مو شوية
بعد مانحمل فراكك وبعدلك
وياريت الجره والصار بعداك
عزيز واغله من روحي وبعدك
مامش صاحب الياسال عليه
غريب ومالي كل صدكان ونساب
وعلى يامال اني انشتم ونسب
ودور بالعرب لي اهل ونساب
وانه امي وبوي الهاشميه
يكلبي الي تحبهه رابطلهه
وحرز بالروح صدك رابط الهه
انا الشاعر واسوي رابطه الهه
وخلي اهل الشعر تحتار بيه
بعدك كمت اسوي النوح ويبات
ولاخلي دليلي يهيم ويبات
الحزن طول الليل وياي ويبات
بفراشي ويسولفلي عليه
تحياتي الكم
موضوع: ابوذيات الجزء الثاني 2010 
السبت أبريل 24, 2010 6:06 pm
