ابوذيات عراقية جديدة بالجبس ؟؟

مشه حادي الظعن بالعيس وحده
وكلبي شلون يكضي الليل وحده
اذا غيرج احب مجبور وحده
انتي وياج احبنكم سويه


سلام الله يطارش وصله مني
للي اصلي منـــه وصله مني
يوم الراح اخذله وصله مني
واخذله اثنين يوم الرد اليه

اهلآ كتلك بروحي حللته
او عقد وي كل شخص حللته
انشك من خذت دمي و حللته
شفت بي حبك مبين عليه

اخاف احجي وتفز جروح جسره
اجس نبضه برهاوه الجرح جسره
جسر سويت للمهدوم جسره
على جتافي وزرع عبوات بيه

جفك لا يمسنـــــــي مستحيله
وانه الما يستحيلي ما استحيله
عشرتي وياك صارت مستحيله
ونه الممنون اذا تكطع الجيه

فلست والامي هاجت و الصخونه
بوصخ الفلوس هلبت وصخونه
يهل رايح لخونـــــــــــــه وص اخونه
الخوه الصدك خوه بلا وصيه

ولاهم لعباره بـــــــــــس عبرتك
ومتت ما ردت منك بـس عبرتك
اعترفلك جنت خلفك بس عبرتك
وركض سنتين ما تلحك عليه

وحك الضعن السره وكوطر من الشام
حبيبي خدودك اشحلوه من الشام
عبيرك حيل تعبني من الشام

يسلمو تقبل مروري