ابوذيات

السلام عليكم


الموضوع ابوذيات


اريد اكصد لعد كلبك وظــــيفه
واحط حبي على حبك وظيـــيفه
اذا هذا العشك صاير وظــــيفه
ما اطلع تقاعد للمنيه



الحزن لاجلك هويتة صار مني
وليالي هواي بعدك صارمني
شتريد الكلب؟ اخذة صار مني
اخذ شتريد بس ارجع الية.....



صخر ما اذوب بس كوة اذب لك
سكيتك وانا بيدي اكدر اذبلك
يكلبي انوب اذا تعشك اذب لك
نفط وبنار احركنك بدية




روح ابعيد عني......ولي يله
وعلي من السمه منزل ...ولي الله
حبك سم واجرعنه ....والي الله
وتدير السم بديك شلون بيه




طعم شفتك حبيبي عسل ...وي جوز
ومنك ما يمل الكلب ...ويجوز
يمر طيفك علي كل يوم ....ويجوز
يظل وياي لحد المنيه





نسيت وتيهت روحي وهم بيك
وحسافه العمر خلصته وهم بيك
خويت وضيعت ناسي وهم بيك
اطلعت جذاب وهم تضحك عليه





شهد شمام شربت شكر شفتك
شهد شلزم شعوفن شكض شفتك
شهد شاهد شهدلي بيوم شفتك
سلب روحي وتركني للاذيه





ادك باب اليضربك واشتمنه
واشيل تراب جدمك واشتم منه
كول أمرني حبي واشمنه
حاضر لو ردت روحي هديه




اولي وماكلتلك ولي ساعـــــــــة
واحن لنار هجرك والساعـــــــــة
اذا لحظات اشوفك وله ساعـــــــة
احس بيك الزمن واكف بديــــــــة


تحياتي لكم وارجو ان تنال اعجابكم