قصيده للعباس ابو فاضل عليه السلام

بِسْمِ اللّهِ الرَّحْمـَنِ الرَّحِيمِ
اللَّهُمَّ صَلِّ عَلَى مُحَمَّدٍ وآلِ مُحَمَّدٍ وعَجِّلْ فَرَجَهُمْ وسَهِّلْ مَخْرَجَهُمْ والعَنْ أعْدَاءَهُم

بين أخيامي والماي حالت أهل الإشراك
يحسين وشنهي الرأي امشي لو ظل آوياك
بيميني لزود وبچفي الجود--- بيميني لزود وبچفي الجود

1- يبو اليمه اجيت اطلب رخصه ابرز الخصمي ترى گلبي انمله يحسين نار ومسعره ابدمي
اعله ماي افرات اريد اطلع واملي جودي ابعزمي والقن الناوي بالعدوان يحاول يگحم اخيمي
وداعت عينك يحسين من ادخل وسط الگوم الا اقسمهم نصين واملي هالغبره ادموم
ميهمني اجنود وبيميني الزود --- بيميني الزود وبچفي الجود

2- اجيتك وبرجه يحسين واحلفك بالنبي جدي تمنحني الشرف ابرز وأوفي لحيدر أبعهدي
أريد ابكربله يحسبن اگطع چفي من زندي وأطيح أعله الأرض دونك يخويه غايتي وودي
يحسين أبهذا اليوم أرد أوفي للكرار واهدي القدر المحتوم بيدي إلهاي الأشرار
خل گلبي ايهود وبيمين الزود بيميني الزود وبچفي الجود

3- تشاهد عيني جمعتهم واشاهد يالولي اخيامي واشوفن شر لمتهم ال ذبحك سيدي ايمامي
وتصد عيني للمخيم تشاهد لوعت ايتامي واسمع صوت الي نادون چم طفله وطفل ضامي
وانه الچافل يحسين بي يعلم كل الكون ما ريد اتئخر حين خلي الي ايكون ايكون
ال كلشي حدود وبيميني الزود بيميني الزود وبچفي الجود

4- يخويه حسين اريد اوفي عهد للوالد أعهدته واذكرك بيه اذا تسمح لانك خويه شاهدته
وصاني أبويه الحيد وبيدك گال أمنته شگله واني متكفل اگله حسين ماعنته
لا والله وهادي الناس عهدي اليوم إلى أوفيه ما دام انه العباس للشر راسك منطيه
ابذل مجهود وبيميني الزود بيميني الزود وبچفي الجود

5- هاي المعركه يحسين وهذا انه اوچبت يمك اريدك ما تخيبني عليك ابكسر ضلع امك
اريدن ابرز الخصمي واريدن اجلي كل همك لان حيدرعلي گلي بني لا تبخل ابعزمك
خل روحي الموت اتذوق كيف اصبرعالياذيك وانه النصرك مخلوق خاليسمع لي عاديك
اعراب ايهود وبيميني الزود بيميني الزود وبچفي الجود

عشاق اهل البيت عليهم السلام

» تفسير:إدريس عليه السلام.اسحاق عليه السلام.إسلام.اقرار.إبريق
» قال الامام عليه عليه السلام :: دعوني ولتمسوا غيري :::
» قصيده في حب الرسول((صلى الله عليه وسلم))بقلمي
» من شعر الامام علي (عليه السلام) قمه في البلاغه)
» قصة زكريا عليه السلام