• غيابك خلخل عضامي وهدهن
• واجر حسرات بغيابك وهدهن
• بية دموع لو بيجن واهدهن
• تفيض اليابسة ونغرك سوية
•
•
• هنيالة الكعد يمك وشافك
• واخذ بوسات من خدك وشافك
• مضمد كون اصيرلك وشافيك
• واشيل هموم من صدرك الية
•
•
• بغيرك ما حلة منزل ولا دار
• وغيرك ما هوة كلبي ولا دار
• بفضة وذهب ما ابيعك ولا در
• عزيز انتة ومعزتك ذيج هية
•
•
• خطية الكلب ما مرتاح ليلة
• وعشكك عشك جن مجنون ليلة
• اريد وياك اكضي شلون ليلة
• حتى طيب كل جروح بية
•
•
•
• نصحت الكلب من حبك ولا فاد
• وشلعتة بنار صدكني ولافاد
• علاج هواي وصفولي ولا فاد
• بس حبك علاج يصير الية
•
•
•
• شعجب بطلت يلغلي تراسل
• ودليلي بسبب هل فركة ترا سل
• عليك الصبح وا المغرب ترة اسئل
• اكول شغير الغالي علية
•
•
• نحيل الجسم من بعدك تراني
• واريدك دوم بعيونك تراني
• افكر بيك كل لحظة تراني
• افكر وا البعد يصعب علية
•
•
• الك با الكلب دون الخلك ما كان
• والك غير المودة ابد ما كان
• بجفاك اصبحت قصة كان ما كان
• مسودن وا المثل ينضرب بية
•
•
•
• شكثر بجفاك ون كلبي وهم لك
• وعقلي غفل فاركني وهم لك
• شتضن انساك يلغالي واهملك
• وانتة بروحي دم يدور بية
•
•
• اداوي بجرح دلالي ولا طاب
• الف دكتور وصفولي ولا طاب
• بسناسل خيطو جرحي ولا طاب
• علاجي وياك من تسال علية
•
•
• مرة ايامي من بعدك شحلهة
• وروحي الفرح من بعدك شح الهة
• ادية مجتفة بظهري شحلهة
• الزمن يكعد وانة الميتات ادية
•
•
•
• حسافة الوكت من يمي بعدكم
• ولا واحد ترس عيني بعدكم
• رضيت الموت وما ارضة بعدكم
• لان با الروح حبكم مو بدية
•
•
•
• وحك من صاغ هندامك وحياك
• طلع شريان من كلبي وحياك
• احبك واحترم شخصل واحييك
• واحب حتى الحجي منك علية
•
•
•
• مرتب ماشفت مثلك ولا صاك
• شجاك شخربك عني ولاصاك
• بدية ماذبحت احد ولا صاك
• لجل حبك اصك بثنين ادية
•
•
•
• زاد بكلبي شوكك وانتة قلبي
• وصعد با الراس حبك وانتقل بي
• احب اشلون غير وانتة قلبي
• وانة بقلبي احبن مو بدية
•
•
•
• جرة دمعي على خدودي مراحل
• وبعد حبك بدلالي مراحل
• اذاناوي الهجر ابدي مراحل
• مو غفلة وتسد بابك علية
•
•
• سهامك با الكلب صابن ولاحب
• وكلبك ما بجة الحال ولا حن
• لهلال العيد ما افرح ولا احن
• افرح من تمر انتة علية
•
•
• وكع ميزاني من حملك والدك
• وكلبي الما يدك لحد الك دك
• جهازي رسل من وحدة والك دك
• لان ثنينة نحبك سوية
•
•
• الك مني رسالة شوك نصن
• يل منك شجبال الشام نصن
• مو حكة دليلي نكسم نصين
• نص الكم والخر للاذية
•
•
• وسومر كمت اشرب تتن دنهل وسومر
• وكلبي من العشك زنجر وسومر
• احبك من عهد بابل وسومر
• وحتى حمورابي نكسر كلبة علية
•
•
• الشرقية تبث حبي وسومر
• وكمت ما اذوب همومي وسومر
• ادور عليك با البصرة وسومر
• اصيح وما ترد انتة علية
•
•
• نار فركاكم با الكلب ماجن
• وعليكم زين عندي عقل ماجن
• ورسايلكم عجب لليوم ماجن
• شنهو سبب كطعتهن علية
•
•
• شجاعة الروح عافت من وصلهة
• وضل ارسل وخابر من وصلهة
• تضل النفس طيبة من اصلهة
• وانتة الممنون اذاا ترسل الية
•
•
• يغالي الدهر بجفاكم بلانة
• وقدر مكتوب من الله بلانة
• شلون تنام يا الغالي بلانة
• وحنة سنين كعدتنة سوية
•
•
• عزيز الروح با الاشواك هاميت
• تعال وشوف جذر الكلب ها ميت
• روحي الشوفكم با العجل هامت
• عزيزين وهجركم عم علة
•
•
• افرح لو شفت وجهك وسربي
• وحبك ثابت بكلبي وسربي
• شماطال الدرب امشي واسيربي
• واجيب الروح لعيونك هدية
•
•
• طيوفك لامشن مرة ولاجن
• ولابنادم عرف علتي ولاجن
• لابيرة التسكرني ولاجن
• اسكر من يمر اسمك علية
•
•
• سلالتكم نسب يوسف نسبهة
• والدنية بغير نضراتك نسبهة
• الوادم ميتة وبا الميتة نسبهة
• بس نسبة جمالك سبع مية
•
•
• عيون الكلب يوم جفاك يدمن
• عفتني وصافحت يا حلو يدمن
• وانتة المثلي على الحسبات يدمن
• مسودن و المثل ينضرب بية
•
•
•
• اتعارك يا حلو لجلك واطك طك
• وللحساد اذب حرمل واطك طك
• افرح من تراسلني واطك طك
• اصبعتين من تسال علية
•
•
• حزينة الروح بغيابك شعرنة
• وقصايد بيك يمدلل شعرنة
• الشعر لو شاب ما نصبغ شعرنة
• الشباب يعود من تسال علية
•
•
• روحي وياك ماتكطع وصلهة
• وتفرح لو خبر منك وصلهة
• تضل نبع المحبة انتة واصلهة
• وتضل رغم البعد غالي علية
•
•
• دريت شخلص من العمر وشراح
• ومايحتاج اوضح بعد وشراح
• مرخصك حيل دج با الكلب وشراح
• عسى انسى هواك الي شسوة بية
موضوع: ابو ذيات صاروخ ارض جو 
الخميس مايو 27, 2010 3:42 am